أيام زمان

سلام عليكم و رحمة الله و بركاته

فاكرين زمان أيام الدوس , فى ناس شيفة أن الأيام كانت أيام صعبه و معقده , بس أنا شايف أن الأيام ديه هي الى الناس ممكن تتعلم منها بجد حاجات كتير عن علوم الحاسب, أنا عن نفسي أتعلمت كتير منها, بس أنا أستعملت الدوس مش من زمان أوي , كان تقريبا أول أحتكاكي بالكمبيوتر 1998 و كنت فى الثانوية العامه , فى مدرسه حكومى , و كان الأجهزه الموجودة ساعتها أبيض و أسود , كان فى أجهزه عليها ويندوز 95 و 98 بس كانوا بيخافوا يشغلوها علشان كانت عهده, المهم أنا و 3 من الزملاء الأعزاء كنا مهلمين دراسيا و كنا أهتمامنا أكتر باكمبيوتر و كنا بنقعد كتير فى غرفة الحاسب الألي, المهم كان كل المتاح ساعتها هى الأجهزة ديه و التى لا تحتوى على أى نوع من أنواع وسائط التخزين , كنا بنجيب ديسك عليه دوس 6.22 و كنا بنعيش عليها مع "جي دبليو بيسك و كويك بيسك" و كانت ديه أقصى أمنينا , المهم أنا أتعلمت حاجات كتير جدا فى الفتره ديه , المهم أنقطعت لفتره , و بعدين رجعت تانى أشاغل على الكويك بيسك , و عملت شوية الحاجات ديه و كان سعتها "دكتور عمرو موسى" كان بيعلمنا شوية حاجات عن طرق تصميم البرامج بمعظم الأدوات المتاحة , المهم كان بيدينا المعلومة بالقطاره بعد ما يطلع عنينا من البحث, بس ديه طريقة مفيدة و كويسه جدا فى الحصول على المعلومه , المهم أنا عندي شوية حاجات عايز أوريها لكم , هى حاجات قديمه بس حلوة أوي


شاشة تسجيل العملاء


شاشة الأضافة أو السحب من حساب العميل

قائمة مبسطه من التقارير


محاولة بسيطة لدعم اللغه العربيه فى الدوس و الحمد لله نجحت


البرنامج ده كان المفروض يكون شبية بالبنت برش , ده معمول بالسي و البيسك و البسكال ممكن تحصلوا على الكود بتعهم من منتدى عرب تيم , كان من أصعب الحاجات أظهار أيقونات , بس الحمد لله ربنا هداني لفكره , كانت حلوه جدا , بس أكتشفت فى الأخر الى أنا عملته ده معمول فى أكستنشن أسمه XBM

ده نفس البرنامج بس بيدعم أستخدام الماوس


ده نفس البرنامج الى فوق بس فى جرافيك مود

أولى محاولات لمحاكات الويندوز من ناحية الأنترفيس

نفس البرنامج الى فوق بس بشكل تاني

ده نفس البرنامج و ده عرض للمستخدمين , على فكره الجريده ديه فيها بيجينج بس مش باين بيشتغل بأزرار الزر الأيمن و الأيسر



المهم أنا أتمنى أن الحاجات ديه تعجبكم أنا عارف أن مفيش حاجة جديده هنا نتعلمها , بس أنا كنت عايز أعرض طريقة تفيدنا فى التعلم و هى أن لما الواحد يرجع لورا مش لازم يكون بيرحع علشان عنده مشكلة , الحاجات ديه مفيده , لان ديما التاريخ بيعيد نفسه , الى هتعمله فى حاجة زي ديه هيعود عليك

شكرا ليكم :)

سلام عليكم